【跳躍生命線】何廣沛無懼危險場口放膽演 紀律部隊步操最難掌握

撰文:翁漢瓏
出版:更新:

下星期開始《跳躍生命線》將正式進入結局周,何廣沛今天(4號)現身為劇集宣傳,他表示飾演紀律部隊最難的是步操:「今次做救護員外型要求上唔洗太威猛,就算我唔算好陽剛都冇問題,反而最難係步操,因為你冇可能一嚟就做到,一定要經過幾星期訓練,有教官親身指導先會有成果。」

何廣沛笑言自己在拍攝《跳躍生命線》時特別有安全感,皆因真正的救護員就係在旁指導,所以一些較為危險的場口都可以放膽去做。(黃國立攝)

早前張彥博就傳出因吊威也時用力過猛導致頸椎受傷,何廣沛慶幸自己從演以來都並未遇上危險的事故,更笑言自己在拍攝《跳躍生命線》時特別有安全感:「因為過往演員受傷都要趕去急症室,但今次就唔使擔心,因為真正嘅救護員就係我哋隔離睇住我哋做,所以有啲咩要跨過玻璃、有車來來往往嘅場我都好放膽去做。」

雖然何廣沛今次冇乜表示,但陳瀅就表示收視到35點可以考慮搞個見面會,親身同觀眾見下面互動下。(黃國立攝)

馬神撐做視帝 何:太大頂高帽!

提到馬德鐘推舉自己角逐視帝,何廣沛形容為「太大頂高帽」:「馬神太抬舉我啦,反而我就真係支持佢做視帝啦!我今年嘅目標係想拎「最佳電視拍檔獎」,呢個獎我上年都攞過一次,同蕭正楠同曹永廉一齊拎嘅,今年希望可以同張彥博、郭子豪再攞一次呢個獎。」

+4

收視若再升 叫劉佩玥穿泳衣「找數」

《跳躍生命線》下星期開始進入結局周,提到收視率上升到達35點時會否有所表示回饋觀眾,何廣沛表示:「我30點已經找過一次數,今次就留返比之前未找過數嘅人啦,之前啊Moon話過會著件唔係三點式但『有睇頭』嘅泳裝畀大家睇,大家可以期待下到底係乜嘢嚟。」