黃建東帶媽咪睇三級片 黃媽媽：呢啲濕濕碎
撰文：冼燕珊
出版：更新：
藝人黃建東早前拍攝由李宗瑞案件改編的電影《有罪》，飾演情慾女主角的未婚夫，劇情講述黃建東發現她拍的情慾片被人放上網，因而跟她大鬧一場，「嗰場戲一嚟就要同未婚妻鬧交，去到片場先至初次認識對方，不過大家都好快熱身全程投入，鬧交鬧到自己都眼濕濕。」除了鬧交，不知有沒有更激的床戲？「其實我覺得作為一個專業演員乜嘢都要嘗試，所以如果有情慾戲我都唔介意出演，但可能導演驚出嚟畫面太油膩所以冇諗住預我拍呢個部份。」
黃建東參演由李宗瑞案件改編的電影《有罪》，電影被列為三級片。
因為黃建東難得參與電影拍攝，所以特別邀請媽咪一起來看首映，點知電影被列為三級片：「其實睇到啲情慾鏡頭時，都擔心媽咪會睇得好尷尬，點知我媽原來思想仲開放過我，話呢啲小意思啦，佢之前睇過啲歐洲電影尺度仲大，同埋我喺戲裏面着住曬衫完全冇嘢睇，所以都唔會好尷尬。不過如果第時真係有得拍情慾戲就未必會邀請媽媽來看，費事佢喺我隔離睇住我我尷尬到流晒大汗。」
黃建東帶媽咪睇自己參演的電影，但因為電影中有情慾鏡頭，初時他還擔心媽咪會好尷尬，點知黃媽媽霸氣表示之前睇過尺度更大嘅電影。
除了拍攝電影《有罪》，東東正在拍攝無線新劇《黃金有罪》，剛巧最近熱播的《是咁的，法官閣下》，他飾演戲院非禮案被告又被法庭判有罪，所以他笑言覺得自己真係「有罪」：「我最近真係罪孽深重，要做返啲嘢贖罪，不過好開心我嗰幾集大家都有迴響俾我，好多謝陳耀全監製一直俾機會我去開拓不同的戲路，讓觀眾認識不同面的黃建東。」
黃建東近來排排與「有罪」掛鉤，笑言自己「罪孽深重」。