林秀怡以17歲之齡加入TVB :花十年汲取經驗比一步登天更好

撰文:趙允琳
出版:更新:

223位服務TVB超過十年的台前幕後員工昨日(22日)出席TVB舉行的《長期服務暨傑出員工榮譽大獎頒獎典禮》,近日在《是咁的,法官閣下》中有精湛演出的林秀怡,當年憑17歲之齡透過TVB藝員訓練班入行,她笑說當年是個「小薯嘜」:「我去面試嘅時候又無化妝,因為細個唔識,就咁一件T恤一條褲就去咗訓練班面試!估唔到咁快就十年啦!」

林秀怡昨日(22日)出席TVB的《長期服務暨傑出員工榮譽大獎頒獎典禮》,原來年紀輕輕的她都已經加入TVB十年了。(陳順禎攝)

十年裏參演過85部劇,有跑龍套的,亦有戲份重的。但要說到當中最難忘的角色,林秀怡毫不猶疑選出《怒火街頭II》當中飾演的阿Wing:「因為嗰個角色對於我來講嘅得著有好多,我同胡杏兒有好多對手戲學到好多嘢,鄭嘉穎都畀咗我好多意見,係一個好好嘅機會。而且亦係我第一次做咁深情嘅戲,所以真係好多謝監製。」

林秀怡近日用了十年積蓄約40萬為替患癌的媽媽醫病,她表示很多身邊好友都對她倍加關心,更有同事主動提出借錢給她,令她覺得很感動。(陳順禎攝)

林秀怡直言沒想過會在這行花十年兜兜轉轉,但她知道這行是需要浸淫,不奢望能一步登天:「就算一兩年之後好好彩畀到個主角我做,我真係未必會做到。所以情願慢慢浸儲返多啲經驗同經歷嘅時侯,做嘅戲就會好啲。」