【是咁的,法官閣下】被指似AV女優 林秀怡:我都有睇連登高登

撰文:
最後更新日期:

台慶劇《是咁的,法官閣下》播出以來大受好評,劇集一反傳統的律政劇講述更多新晉律師的辛酸和業內鮮為人知的一面,為觀眾帶來不少新鮮感。當中飾演大律師的林秀怡更憑住出色的演技,成功緊抓觀眾眼球,獲網友大讚。

林秀怡在劇中飾演大律師。(電視截圖)

+8
+7
+6

得知角色獲得好評,林秀怡表示感謝大家關注:「好多謝大家啊,多謝大家有留意我,好感動。我哋其實收到劇本之後,都有做好多圍讀,俾所有演員了解吓每個角色嘅定位同性格。而且大家都有約埋一齊去法庭聽審,聽咗好多次,我哋要留意喺法庭上每一個職位嘅人係點,所以都比較真實,無咁多戲劇效果嘅戲,希望大家都會接受呢啲新類型劇集。」

林秀怡劇中的表現亦深受觀眾喜愛。(IG圖片)

+2

雖然今次的角色好大發揮,但林秀怡就覺得角色難度未算太大:「呢個角色其實唔算係拍過嘅最大難度,反而係最新嘅嘗試。因為自己未試過好平淡又好正經咁去做一套劇,都好開心觀眾嘅反應大部分都正面。」至於最難忘的場口,她直言是大結局:「我自己覺得最有感覺而又拍得最難忘嗰場戲其實係大結局,因為呢套劇唔多唔少都講緊現時香港嘅處境,而且好多都會牽涉到時事,每個香港人對而家社會都會有自己嘅一種睇法,而最後一場戲係講大家經歷咗風風雨雨後,香港人都會團結起來去面對。我哋一班律師就喺旺角街頭同街坊們大合唱,當一大班人大合唱,同舟共擠嘅時候,有少少想喊,唔知點解會比嗰種氛圍感染到,抱有一個香港人團結嘅希望。」

這部戲算是林秀怡最重戲份的劇集之一。(IG圖片)

問到劇中會否感情線,她就透露會與同房大律師黎振燁發展:「其實會同佢有一條淡淡嘅感情線,不過最後結果都好出人意表,留俾觀眾自己慢慢睇啦。(有冇親熱戲?)無啊,我都想有!」至於有網友發現她與日本AV女優水野朝陽撞樣,她就笑言:「我有聽過啊,其實我自己有上連登同高登嗰啲,連我啲朋友都send比我話覺得似。我自己就覺得唔似,佢靚好多,身材都勁好多啦,點同佢比。不過,至少有人留意到我都開心嘅。」

大家又覺得似唔似呢?(Twitter圖片)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。