【是咁的,法官閣下】演殺人犯太變態? 陳志健爆劇組驚到打冷震

撰文:趙允琳
出版:更新:

《是咁的法官閣下》今個星期六(1/12)大結局,在壓軸案件中登場的兩位變態殺人犯陳志健(Otto)和細細粒(陳嘉佳)於昨晚(28/11)一集演出非常精湛,令不少觀眾雞皮四起兼大讚兩人演得勁好!

其實二人的角色是由真人真事改編,原型是發生於2013年的大角咀肢解父母案,Otto和細細粒均表示拍攝前沒有看過事件的相關報道和影片,並花了兩小時拍攝殺人片段:「我哋拍完嗰場睇返Playback啲攝影師係打冷震!嗰場其實好恐怖,我都諗其實出唔出到街。」細細粒聞言即對住Otto說:「陳志健其實我而家望住你我都覺得你好恐怖!」

陳志健《是咁的,法官閣下》中飾演由真人真事改編的變態殺人犯,連帶着頭套都用眼神交足戲,令觀眾大為佩服!(黃國立攝)

Otto又透露監製陳耀全找他演殺人犯因為覺得他和原型很像,細細粒笑說:「好似㗎,不過佢好後生!你已經畀人感覺30幾到40嗰啲中中哋老嘅感覺啦!」講到細細粒的原型已經被判無罪,她直言感到擔心:「我喺度諗,佢睇完之後會唔會搵我傾計㗎?」Otto立即安慰她:「唔使驚!我幫你搞掂佢!」

Otto和細細粒的角色雖然以真人真事為藍本,但為免事件中的相關人士看完會覺得不舒服,他們的結局亦會跟事實不同。(黃國立攝)
《是咁的,法官閣下》一班演員今日(28/11)在中環現身。(黃國立攝)