【萬千星輝】今年又要陪跑？ 馬國明年年打定輸數：貼自己好尷尬
撰文：張嘉敏
出版：更新：
馬國明（馬明）今年憑住《宮心計2深宮計》獲提名無綫《萬千星輝頒獎禮2018》「最佳男主角」，去年他憑《降魔的》獲提名該獎項時呼聲極高，可惜最後仍告落空，今年他的表現未算突出，難免予人感覺是在陪跑。馬明今日（1/12）出席活動時對於被指今年又在陪跑，表示：「其實我每年都冇諗會係自己攞獎，每年都唔會貼自己攞，貼自己好尷尬。」他笑言自己並非在陪跑，而是在領跑，帶領住大家跑完但沒有攞獎的。
馬國明話年年都冇諗係自己攞獎。（葉志明攝）
問到他馬明今年心目中的視帝視后人選，他說：「視帝方面，我睇好諾懿（黎諾懿）攞，佢喺《BB來了》入面嘅表現好突出，我又想老蕭（蕭正楠）攞，因為係代表我哋《深宮計》劇組，梗係撐佢。不過攞獎都好講運氣，以好運嚟計我覺得展鵬（陳展鵬）好大機會，佢今年結婚同埋有BB，分分鐘贏埋視帝三喜臨門。視后方面，我就想煒哥（陳煒）攞，因為係《深宮計》吖嘛，另外就係智雯（黃智雯），我一直都睇好佢，覺得佢係繼定欣（胡定欣）之後，戲路最廣嘅女藝人。」
馬明今年心目中嘅視帝人選係黎諾懿、蕭正楠，視后就係陳煒同黃智雯。（葉志明攝）
+5