黃子恆連約豐滿歌手迪子3次上門 叫對方提供服務：交流都好重要
撰文：鄺鈺瑩
出版：更新：
黃子恆2016年被指介入歌手裕美婚姻後，目標轉移向國內粉絲，對方更自稱已懷有黃子恆的骨肉。而今日，又再爆出黃子恆原來曾一度𠱁擁有35E豐滿身材的歌手迪子去佢屋企「提供服務」。
黃子恆醜聞又揭多單，今次女主角係歌手迪子。
據網上瘋傳嘅 WhatsApp截圖內容顯示，黃子恆第一次𠱁迪子送上門時，提到「服務唔一定你對我嘅，交流都好重要」並指「你好我好，我好你好」，當迪子以「我只服務我的男朋友」回拒時，黃子恆依然唔死心，仲繼續話「我不需要服務，只需要交流，抱得緊緊的。」又指自己「不需要女朋友」，對話中提到嘅「服務」係咩，怕且都唔會係清潔家居服務啦。當迪子以「你還是找人妻吧」暗寸黃子恆時，估唔到佢超無品咁用粗口去完結呢次對話。
色字頭上一把刀，黃子恆斷送自己嘅前途。（網上圖片）
事隔幾個月，黃子恆以好悶為藉口，想約迪子喺屋企飲酒，至於點解喺屋企，據黃子恆講法，係因為「出去飲比人影到又話我溝女」，好在迪子都唔係蠢，以「出街光明正大」為由，拒絕黃子恆。既然飲酒呢條橋唔work，黃子恆再約迪子時，改用「big big chanel live唱歌」做理由，地點同樣係佢屋企，原來係有少少cafe show，呢個理由真係爛到不得了，最後迪子話「你屋企個琴係尾床，好怪」時，黃子恆指「可以郁，到時會喺廳做」、「頻率希望一星期一次」，迪子始終覺得孤男寡女唔方便，再次拒絕佢，而黃子恆亦冇再搵佢。
點撃下圖睇下佢哋講咩 !
【任噏亂評】黃子恆曾成功避過一刧 今次Fans事件收科得一個方法
+3