劉心悠客串芭蕾舞劇將首演 日練3小時體力透支:我冇資格話辛苦

撰文:朱奕錦
出版:更新:

劉心悠今日(8日)以一身運動裝扮出席活動,講到平時健身,心悠就熱衷多元運動,好似跑步、yoga、游水等,在飲食方面也很注重健康,不吃油、鹽、糖、澱粉等,但為了接下來的演出,她就要增加一些蛋白質。

心悠今日出席同健康有關的活動,不止現場跳健康舞,還同大家一齊踩健身單車。(陳順禎攝)

下星期五(14日)就是芭蕾舞劇《胡桃夾子》的首場演出,近排都在積極練習,不過心悠就自認無資格話辛苦:「因為其實佢哋個dancer係廿幾年㗎喇,即係佢哋日日練8個鐘頭喎,我而家每一日起碼3個鐘頭,咁其實我自己身體頂唔住,突然之間去到咁長時間training,我諗for我自己體力來講係辛苦嘅,但係我都睇到呢排身體進步咗好多,我覺得唔係用辛苦去形容囉,睇你想喺入邊攞哋咩experience囉,我想攞進步,所以我覺得唔辛苦。」

芭蕾舞劇演出在即,已經落足功夫準備的心悠謙虛表示,見到同劇的專業舞者表演,仍然覺得自己有好大進步空間,push自己做多啲。(陳順禎攝)

演出完之後不久就是聖誕節,心悠話暫時未有放假計劃,不過就打算食餐好嘅:「因為而家都就嚟Christmas啦嘛,Christmas就會有一個好traditional嘅Christmas dinner,交換禮物,就會大食囉(同邊個呢?)今次有份幫我做好芭蕾舞劇呢件事嘅同事、朋友,多謝佢哋嘅支持。」

臨近演出,心悠坦言心情有些緊張,透露聖誕或與同事朋友食大餐。(陳順禎攝)
+2