張敬軒嘆撼唔贏古天樂攞叱咤「我最喜愛男歌手」：佢係皇牌嚟
「浪琴表香港國際賽事」今日（9日）在沙田馬場隆重舉行。品牌優雅形象大使鄭雨盛與表演嘉賓張敬軒齊齊現身。兩人碰面時，身高比鄭雨盛稍矮的張敬軒笑言：「唔該借張凳仔俾我（企高）」，引發全場爆笑。今天賽事中，有「南非張敬軒」之稱的騎師麥偉利也有參賽，張敬軒戲稱會為對方投注和打氣，不過他未有攜同時常在自己的影片出鏡的道具「馬匹」Dahlia外出，所以今日無緣在馬場馳騁一番。
叱咤樂壇流行榜頒獎典禮2018早前公布「我最喜愛男歌手」五強名單，今年走勢凌厲的張敬軒雖然成功入圍五強，但他就將注意力放在其他獎項上：「今年實在太多變數，突然殺個古天樂出嚟，其實好驚喜，作為觀眾想佢上台唱歌，當晚氣氛一定推到最高潮，我覺得（將期望）擺番去歌曲獎上面，因為今年三首歌成績好好」問到軒仔有沒有信心擊敗古仔勇奪「我最喜愛男歌手」呢？軒仔慨嘆：「我無乜信心，佢係皇牌嚟。」
而入圍「我最喜愛組合」最後五強的男團Mirror成員姜濤希望可以向軒仔請教歌藝，軒仔則認為：「人氣同年資無乜關係，我都有睇《全民造星》，學到好多嘢，知道而家觀眾口味係點，同埋知道近排對新人表演要求高咗好多，所以新人質素高咗好多，呢樣係好事」他更指Mirror人氣媲美韓星，不少粉絲為他們歡呼喝彩，令他回想起與自己同期出道的Boyz等偶像組合也曾獲得大批歌迷支持，如今Mirror重演這番景像，令他感到非常爭氣。
另外，YouTube在6日公佈2018年香港區十大廣東歌，張敬軒的《缺》榮登榜首，軒仔笑言觀看次數高企是因爲找到姨媽姑姐幫忙點擊，其後他一本正經感謝樂迷支持，又叫《缺》MV導演加人工獎勵同事；不過提到《缺》的觀看次數與去年冠軍ToNick的《長相廝守》相比仍有一定距離，會否是廣東歌被邊緣化的現象，軒仔認為《長相廝守》有電影《救殭清道夫》推動宣傳，而《缺》的題材較偏鋒，依然深得樂迷喜愛，證明樂迷口味比以前擴闊，對廣東歌而言是好現象。