迪麗熱巴於大學時曾任婚紗店模特兒　舊照曝光嚇親網友

被譽為「零死角美女」嘅迪麗熱巴無論任何打扮都難佢唔到，不過，今日微博就流出一輯熱巴入行前嘅婚照，只見照片中嘅熱巴化咗一個大濃妝，再加上復古曲髮同娘爆甫士，唔少網友睇完都唔敢相信呢位就係熱巴，紛紛指「這哪個大媽...看傻了」、「有...顯老」。不過亦都有唔少網民盲撐，認為只係妝容問題，又話「復古好適合仙女顏值」。照估計，熱巴當時20歲都未夠，但輯相就影到佢40歲咁款，而其中一張，佢仲好鬼馬咁玩咬唇，睇睇下，同張曦雯有幾分相似。

其實微博流出嘅熱巴婚照有兩輯，其中一個曲髮造型雖然出晒事，但另一輯有男主角傍住就即時唔同晒，一個甜美笑容，相信已令唔少男網友有衝動郁手P圖。其實之前就已經有網民話過熱巴讀大學時，曾為烏魯木齊的婚紗店擔任模特兒，所以不時都會有舊婚照曝光。