方力申6年前專輯登2018頭100名唱片 預告拍片自彈自唱

撰文:趙允琳
出版:更新:

方力申(Alex)今日(11日)擔任運動品牌開幕禮嘉賓,除了喜歡游水,平時非常熱愛看NBA籃球賽的他表示想在下年農曆新年到美國看籃球明星賽:「2019年嘅明星賽喺Charlotte(美國夏洛特)打,我偶像Michael Jordan(米高佐敦)係班主嚟㗎嘛!所以佢一定會喺現場出現,我好希望可以近少少咁見到佢!」

熱愛運動的Alex表示自己私下比較喜歡穿著輕便服飾,所以衣櫃裡超過一半都是運動衫。(陳順禎攝)

天氣越來越凍,Alex笑稱自己的游水學生間中都會「投訴」太凍,他會跟他們解釋:「冬天點解唔可以游水呢?你千祈唔可以停添啊!一停咗夏天就唔識游㗎喇,仲會嘥多啲錢學!」他說當覺得在水上覺得凍,其實水入面更暖,因為現時游泳池大多都是恆溫,而且亦可以選擇穿有保暖功能的泳衣。

Alex透露最近在橫店拍攝一部以孫悟空為題材的古裝劇,而他在劇中飾演反派的六耳彌猴,是孫悟空的敵對角色。(陳順禎攝)

多年沒有出碟的Alex最近憑住2012年推出的《十分。愛精選》成為Apple Music 2018年的Top100唱片,證明香港人一直以來都非常支持他的音樂作品,會不會再有機會出新歌?「雖然我無出新嘅專輯或者新嘅歌,但係好多時候工作上嘅表演都會唱嘅,不過都係睇機會啦,暫時我又無公司未必會有新嘅歌,但係網上面有好多媒體都可以,就算自彈自唱,自己拍埋,大家都可以聽到嘅!」他亦提到自己參演了由王祖藍執導的歌舞題材賀歲片,在戲中更會邊唱邊跳,相信到時又能看到Alex唱歌的樣子了!

Alex笑言學游水的小朋友在聖誕節要出去玩,所以自己都會有較多時間與家人和朋友渡過。(陳順禎攝)
+2