【Yahoo人氣獎】張敬軒自稱「第一代毒男」：人太多會少少唔舒服
撰文：賴家杰
出版：更新：
張敬軒今天（12日）出席《Yahoo人氣搜尋大獎2018》的頒獎典禮，軒仔也奪下多個獎項，其中有「本地男歌手」及「人氣票王」等獎項，「人氣票王」這個獎項軒仔指真的是險勝：「大家畀面，其實我係第一代毒男，成日係屋企，譬如今日有咁多人，我係會有少少唔舒服，我怕人多地方，咁平時做直播係好多人，但都只係網上面對而唔係喺身邊。」
張敬軒今天（12日）出席《Yahoo人氣搜尋大獎2018》的頒獎典禮。（葉志明攝）
他繼續就「第一代毒男」這個稱呼發表偉論：「其實我好早已經涉獵網絡界，但都係呢幾年先識得玩，其實唔係話純粹呃like，真係因為覺得好玩。」
提到近日軒仔推出新專輯，不少粉絲、聽眾都大讚他的封面相影得靚，他說：「係呢一輯相中，大家再次見到科技的發達，今次係資深攝影師幫我影，地方都係我屋企，一嚟係為文化保育介紹呢個地方，而我都唔好意思講呢兩個字，今次以寫真形式去拍攝，有52頁嘅相集。」
軒仔自稱自己係「第一代毒男」。（葉志明攝）