【萬千星輝】何廣沛私心攞「最佳劇集」：如獲獎一定會用左手攞！
撰文：趙允琳
出版：更新：
何廣沛今日（16日）出席TVB一年一度的盛事《萬千星輝頒獎典禮》，穿上一身英倫風的西裝大褸一洗以往黑黑沉沉的形象，更配上名貴扣針和戒指隆重其事：「（戒指）中間呢粒都幾大粒，應該係我人生中戴過最大粒嘅戒指！如果我攞獎一定會用左手攞，咁大家就可以見到我粒bling bling嘅戒指啦！」
何廣沛今晚有「最佳男主角」、「最受歡迎電視男角色」、「飛躍進步男藝員」、「最受歡迎電視拍檔」共四個個人提名。（黃國立攝）
入圍多個獎項的廣沛表示對自己的個人提名抱平常心：「自己有私心嘅提名係『最佳劇集』同埋『最受歡迎電視拍檔』！我哋成個團隊都好齊心，希望今晚我哋成班《跳躍生命線》嘅救護員可以一齊為呢套劇增光！」
【跳躍生命線】何廣沛入訓練班第一日已想做男一：我唔想浪費時間
廣沛表示《跳躍生命線》整個劇組一定會有慶功。（黃國立攝）
+3