傅嘉莉被批有排都未遇到真命天子　最擔心生唔切B

傅嘉莉（Kelly）出席TVB一月星辰活動，她透露早上剛拍完《新春開運王》，獲李居明師傅指點幾句，提醒她多著紅色衣物，同時避免白色衫，不過她今日兩樣都著晒。

桃花和事業方面，李師傅指男朋友可以幫助Kelly事業運，更說她要有三個男朋友，Kelly不解點樣可以有三個男朋友，後來想通：「我諗起《包青天再起風雲》劇中有多個三個男人鐘意我，我希望套劇出街嗰時，大家鐘意呢部經典嘅同時亦都鐘意我啦。」

至於真命天子何時出現，師傅說兔年才有機會遇到，Kelly就說自己不著急拍拖，但卻有另一個隱憂：「係擔心生小朋友嘅問題，我自己其實都想要小朋友，我覺得人生中，有個小朋友好開心，但作為藝人，生小朋友真係一件好難嘅事，因為要奉獻晒所有精力時間畀佢。」希望Kelly早日達成心願，做媽媽啦。