陳國峰開個唱 Bob出錢又出力：大家好想幫佢完夢
撰文：吳子生
出版：更新：
林盈斌（Bob）今日（14/1）出席好友陳國峰在尖沙咀舉行的《陳國峰1st Live 2019》音樂發佈會活動。這個演唱會將於今年4月6日在旺角麥花臣場館舉行，今次演唱會阿Bob可以話是出錢又出力來支持好兄Penny：「其實今次投資我都只不過是其中一位投資者，但佔好少，其實一聽到佢開騷，二話不說即刻支持，幾多錢唔重要，我認識Penny都有十年八年，由佢做巨星，再有機會做主持再做兄弟幫，不斷見到佢成長，其實佢有個心有個夢好想做一個歌手，開一個屬於自己嘅演唱會，所以我哋大家都好落力幫佢完成呢個夢。」
阿Bob表示家人對新居屋環境非常之滿意。（陳順禎攝）
早前阿Bob租住何民田3千尺豪宅，業主不再續租，限時3個月內要搬遷，因臨近歲晚，搞到阿Bob大為頭痛，不過阿Bob好快找到新居：「依家都裝修差不多完成晒，早前因為有啲節日，所以工程有啲延誤，呢排屋企係會有啲亂，總算係差不多完成，呢排都真係比較忙，又要周圍飛又唔喺香港，真係辛苦太太及屋企啲大人幫我睇住屋企。」
阿Bob近日工作非常繁忙，連想放假陪伴家人時間都沒有。（陳順禎攝）
+2