沈卓盈北海道旅行有艷遇? 邂逅「成棚靚仔」:滿足咗一個願望!

撰文:翁漢瓏
出版:更新:

沈卓盈(Jess)今日(27日)出席活動時接受《香港01》訪問,表示自己最近剛拍完旅遊節目,總算是圓了自己一個願望:「其實自己一直都好想拍一次旅遊節目,今年一開始就已經滿足咗一個願望,希望今年工作上順順利利啦!」問到去北海道有什麼難忘的經歷,她回答說:「今次係第一次進入北海道城市,嗰度嘅雪景真係好靚,即使當時氣溫係負數我都忍唔住除咗件羽絨影相!而最難忘係喺一間餐廳度食飯,當時餐廳只有兩個人係樓面,但到我走嘅時候突然有成棚靚仔走出嚟同我講拜拜,我亦都同佢地合照,然後逐個逐個鞠躬道別,日本人注重禮貌嘅程度令到我好surprise!」

轉眼之間農曆新年就到,她亦分享了自己家族的過年傳統:「每年都會一家人過,我地會打牌,食年糕。同埋因為我係屋企排第四,所以我就真係要做『阿四』服侍屋企人,我就會負責煎下年糕、蘿蔔糕俾大家食!」

+3