【甄澤權結婚】做兄弟不用早起 阿Bob:今次應該係最舒服!

撰文:葉詩
出版:更新:

知名魔術師甄澤權(Louis)今日(9日)與太太李綺嘉(Elffi)舉行婚宴。林盛斌(Bob)身為兄弟團的其中一員表示:「我做咗十幾年兄弟,無論圈內圈外都做咗好多次,今次應該係最舒服!首先唔洗早起身先,因為一對新人好好,想啲兄弟姊妹休息多啲,11點幾先去到現場,平時嗰啲7點就要到。連姐妹設難關、玩遊戲嗰啲都好Easy,今日做幾下掌上壓、食下Wasabi餅乾、揹一揹陳定欣就ok,係好輕鬆地完成。」

魔術師甄澤權舉行婚宴   爆當初追老婆冇靠過Magic:誠意打動!

 

Louis原來早在幾個月前已經Book定Bob的檔期,Bob對自己推了幾個工作感到甚是傷痛。(葉志明攝)

說到陳庭欣(Toby)今日也是兄弟團的一員,Bob表示:「好好㗎!女仔做兄弟呢,啲姐妹見到大家同性別,就唔會太為難嘅,過關嘅時候Easy啲,全班仔呢啲姐妹就會狠啲!」又大讚Toby會是好老婆:「有個兄弟條褲腳就長咗啲,佢即刻唔知喺邊到拎啲針線出嚟,佢又真係識整,香港小姐真係美貌與智慧並重!」

Bob聲稱不會幫新郎Louis擋酒,如果幫忙擋酒,怕20.30開席,自己20.45就已經倒下了。(葉志明攝)

Louis今日在四季酒店設席近廿圍,令Bob回想起曾經跟老婆結婚時只在一家普通的酒樓僅設數席。被問到是否會補償老婆,Bob回應:「有諗過㗎!結婚十周年嘅時候有諗過搞返壇大嘅,但咁啱嗰期佢個肚又大住咗,所以輾轉之下又冇搞到。可能廿年或者十五年既時候再補祝返,實會有機會補償到嘅!」

Bob與Louis相識已近十年,見證他的成功,衷心替他感到高興。(葉志明攝)
+2