【多圖】朱晨麗拍平面廣告曬完美體態　身形Fit爆令人眼前一亮

朱晨麗昨日（21/3）在柴灣為瘦身產品影代言相，大騷健康性感的她便以粉紅色Sport Bra配襯白仔短褲上陣，令人眼前一亮。她接受傳媒訪問時直言事前沒有刻意減肥操Fit，只靠食代言產品已達瘦身功效：「拍劇成日都冇時間瞓、又冇時間做運動，我都幾大食，好鍾意打邊爐、又食宵夜，好開心被客戶精挑細選做代言人。（酬勞好高？）係開心價，好滿意！」

提到與緋聞男友何廣沛合拍的無綫劇集《大醬園》將於月尾開工，問之前會否感動更進一步，她笑說：「戲入面要成日嗌交都驚太投入，搞到討厭呢個人，所以要壓抑住自己，同埋今次佢可以還手，驚佢到時打我一巴會暈低！」

點擊下圖觀看朱晨麗今次及其他健康性感相片：