盧巧音開入行20周年演唱會 不抗拒夫妻擋演出

撰文:冼燕珊
出版:更新:

盧巧音(Candy)入行21年,去年想搞20周年演唱會,但因為各種原因而不成事,今年終於實行計劃,她日前作客TVB娛樂新聞台節目《StarTalk》,接受主播許文軒(Edmond)專訪,大談即將舉行演唱會感受,她說:「本應上年想做20周年演唱會,不過一來冇埸,二來工作又多,唔想特登為咗20周年呢件事而求其搵個地方做,緣份到咗今日,就當係一個20周年紀念活動嘅閉幕演唱會,有Fans話返俾我知,今次開騷嗰兩日,咁啱就係我2003年喺紅館開騷嗰兩日,真係好巧合。」

Candy接受主播許文軒(Edmond)專訪。

Candy與樂隊Kolor主音Sammy結婚多年,Edmond問她會否介意夫妻擋演出,Candy表示會採取開放態度,她說:「夫妻擋唔介意,不過有時覺得工作還工作,私事還私事,好似Kolor去內地巡迴,我有時都唔方便跟去,就當俾佢哋幾個大細路自己安排,有時多個女人喺度,我覺得會係一個負累,我好似有個氣場喺度影響佢哋。」

Candy 即將舉行入行20周年演唱會。(IG圖片)

Candy在專訪提到近年愛上跑步及做運動,為她和老公帶來的影響:「其實係跑步愛上咗我,之前我同老公嘅身體同情緖都差,初初係佢跑步做Gym先,而我因為左腳有舊患,行得快都會痛,所以我就去跑,睇吓安多酚有幾勁,原來真係好勁,依家變咗我生活嘅一部份,就算落雨都會去跑,跑完馬拉松之後,我老公叫我跑埋超馬,大約60至100公里。跑步可以練氣、練意志,認識好多新朋友,跑步時仲發現香港還有好多好靚嘅地方。」

Candy 與Sammy一同愛上跑步。(IG圖片)
+5