許靖韻獲粉絲買過千燈箱廣告慶生：真係好有愛
撰文：冼燕珊
出版：更新：
許靖韻早前生日，獲粉絲鋪天蓋地為她慶生。（IG圖片）
Angela近年在內地人氣愈嚟愈高更吸納唔少fans，每次出席活動、表演或者網上投票，fans們都傾巢而出為Angela造勢。今年生日，Angela嘅fans在全國四個直轄市、十九個省及三十六個地級市，買下超過一千五百個嘅「豐巢」LED Mon，連續七日播放對Angela嘅生日祝福。其實香港地區都有份，fans在灣仔地鐵站亦都買咗燈箱廣告，更聯同連鎖台式飲品店合作製作生日杯套。
除咗豪擲千金買燈箱廣告，歌迷仲好有善心，佢哋用咗Angela嘅名義做咗兩個公益活動，令Angela嘅生日過得更有意義。Angela見歌迷咁有心都好開心，「咁嘅形式去慶祝係第一次，入行後歌迷都會送禮物俾我 ，但其實唔想佢哋咁嘥錢，因為好多都仲係學生讀緊書。有時大家傾吓偈，講吓近況，都已經好開心。今次買燈箱廣告去慶祝真係第一次，冇諗過，好驚喜好開心，佢哋仲用我個名去做慈善，真係好有愛。知道歌迷真係好錫我，所以我要更加努力，創作多啲好嘅作品回報番佢哋。」
Angela希望以音樂作品回報粉絲。（IG圖片）
+3