好姊妹鄧卓殷被指暗撻郭子豪 陳曉華：我哋好少傾感情事！
撰文：吳子生
出版：更新：
陳曉華（Hera)今日（25/5）出席在將軍澳電視城舉行的《公益金萬眾同心50年》拜神儀式。Hera透露今晚會表演花式跳繩項目，為慈善活動籌款：「我哋練咗好多日，起初以為好簡單，原來好難，因為我哋表演嘅時候，要連續跳差不多三分鐘，仲要保持笑容都真係幾難。」
今晚陳曉華會為《公益金萬眾同心50年》活動表演花式跳繩項目。（陳志嵐攝）
陳曉華有關心姊妹：知道佢同郭子豪只係朋友！
對於近日報導指好姊妹Amber（鄧卓殷）暗撻郭子豪一事，Hera指慰問但不太擔心：「我都有慰問關心佢，反而我哋都比較擔心今晚跳繩項目表演多啲，怕會表演時出錯，其實我同都好少同Amber傾感情事，只知佢同郭子豪都係朋友關係，知道佢宜家嘅心情還好嘅。」
Hera透露練習花式跳繩時，不少心意外「拗柴」，慶幸並無大礙。（陳志嵐攝）
Hera表示好姊妹Amber(鄧卓殷）好少提及個人感情事。（陳志嵐攝）