朱千雪兩年無拍劇網民好掛住:希望佢哋會支持我嘅其他節目同工作

撰文:張嘉敏
出版:更新:

2012年度香港小姐季軍朱千雪 (Tracy) 當年雖然失落冠軍寶座,但根據多方面的民意調查,Tracy其實深受大家的喜愛和支持,可說是民選的冠軍。而一直以來,Tracy都很有人氣,更是不少男士心目中的女神。她入行後亦一度備受無綫力捧,然而她醉心追求知識,寧願減少幕前的演出工作,也是繼續她的學業,不斷進修。本身畢業於加拿大西門菲莎大學的她,於2015年下半年就向TVB請假一年去修讀香港中文大學的碩士學位,在2016年畢業後,又於同年9月修讀香港城市大學法律博士學位。

千雪BB驚喜現身《Think Big天地》(電視截圖)

Tracy現在幾乎大部分的時間都花在讀書之上,已經好耐無拍過劇,對上一部她主演的劇集是2017年播映的《踩過界》,至今已有兩年了,她的粉絲和一班網民都好掛住她。日前Tracy就為兒童節目《Think Big天地》擔任嘉賓,與小朋友互動,雖然她只是於其中一part出鏡,全程只得6分鐘左右,但亦有網民留意得到,並惹起了大家的討論。網民除了留言表示好掛住Tracy之外,又好想知道她幾時會再拍劇。也有網民覺得TVB安排Tracy主持兒童節目卻不安排她拍劇,似是將她投閒置散,好戥她唔抵。

佢同小朋友玩得好開心。(電視截圖)

《香港01》電話訪問了Tracy,讓她為粉絲同網民解答疑團,Tracy表示:「佢哋邀請我上去玩啫,我淨係做咗一part嘅嘉賓,因為依家都忙緊繼續返學啦,放完暑假之後都會繼續學業嘅,所以暫時都未有拍劇嘅安排住。咁都多謝網民掛住我拍嘅劇,但係希望佢哋會支持我嘅其他節目,或是工作,因為嚟緊keep住有時間都會做唔同嘅節目,同埋拍廣告,仲有出活動。嚟緊呢一年都要繼續努力讀書,所以都未有咁快畢業同埋開劇住。」

千雪BB真係好鍾意讀書。(IG@tracytschu圖片)

點擊下圖逐格睇Tracy現身兒童節目嘅精彩片段,以及佢其他靚相:

+23