【烈火雄心】「雙古一鄧」曾被力捧 鄧一君無悔退出娛樂圈

撰文:董欣琪
出版:更新:

最近在深宵時段重播的TVB經典劇集《烈火雄心》,吸引觀眾再度追看。鄧一君在劇中挑戰演智障少年劉海寶,超水準演出令人留下深刻印象!雖然鄧一君已經淡出演藝圈,但童星出道的他,原來曾被哥哥張國榮點名大讚。哥哥當年曾公開表示睇好「雙古一鄧」三位新人,「雙古」指的是古天樂和古巨基,而「一鄧」就是指鄧一君。

之前《烈火雄心》重播,不少觀眾於深宵追看,除了「南山三虎」,阿栢(古天樂飾)與寶寶(鄧一君飾)的一段兄弟情也令人相當動容。(電視截圖)

鄧一君自9歲開始拍攝港台節目,因為樣子精靈,一直不乏演出機會。之後在《縱橫四海》中飾演童年版周潤發,雖然哥哥也有份參演,但兩人卻沒有對手戲,直至到金像獎頒獎典禮,他們才正式相識,鄧一君在接受《香港01》訪問時透露:「嗰陣因為《記得…香蕉成熟時》獲提名最佳新演員,哥哥都有出席,咁我哋又同公司,自然都有傾偈。後來拍《記得...香蕉成熟時II初戀情人》哥哥有客串,我哋就有對手戲。(有冇教你演戲?)唔可以話教,但佢有同我分享對電影、音樂嘅心得,唔止喺現場有傾,平時我哋都有Keep住電話聯絡。」

鄧一君是童星出道,不過令他成名的卻是1993年香港電影《記得…香蕉成熟時》男主角波仔,更獲提名香港電影金像獎最佳新演員獎。(《記得…香蕉成熟時》螢幕截圖)
哥哥張國榮曾公開力讚當年還是新人的古天樂、古巨基、鄧一君。(網上圖片)

對於獲哥哥公開力讚,鄧一君也表示很感激對方:「好驚喜呀,一個咁資深嘅前輩讚我,當時真係好開心,同埋好多謝佢。(退出娛樂圈會唔會覺得可惜?)初初都會,點解自己冇堅持,但而家諗返其實唔需要可惜。始終電影圈娛樂圈同其他行業唔同,唔會話走咗就返唔到去,其實我隨時都可以返去拍戲,將來嘅嘢話唔定,可能我會做埋影帝呢?不過我覺得呢個決定係啱嘅,因為我唔拍戲之後真係開心咗,我而家好享受生活,活得好好,我相信哥哥見到都會戥我開心。」

鄧一君2006年結婚,並育有一女鄧頌情(Kristen)。(一君士多Facebook圖片)

拍完《記得…香蕉成熟時》後,鄧一君加入TVB拍攝了第一套電視劇《五個醒覺的少年》,此劇成功令更多人認識他:「當時TVB搵我做男主角,經理人就叫我試下。呢套劇令我入屋,當年仲係TVB收視冠軍,後來喺大陸播,令更多內地觀眾鍾意我。」他在TVB參演了不少劇集,當中《烈火雄心》可以算是代表作之一:「如果要排,《香蕉》一定係第一位,第二係《五個醒覺的少年》,第三係我喺教育電視拍嗰啲,《烈火雄心》排第四位。」

《五個醒覺的少年》是鄧一君在TVB拍攝的第一套劇集。(網上圖片)
鄧一君在《烈火雄心》中飾演劉海寶(寶寶)。(電視截圖)
+4

當時鄧一君在演藝圈發展算是順風順水,但天生Baby Face的他,一直在劇中飾演弟弟的角色,戲路受限:「我有講過想試下做壞人呀、殺人犯呀,但導演話『你似俾人殺多啲』,所以其實我係從來未做過反派嘅。」考慮到前景不樂觀,鄧一君在2005年決定轉行,投身保險業做理財顧問:「做演員好講際遇同運氣,有可能你做十年都唔得,變咗做茄喱啡。最主要都係生活問題,想買車買樓,又想結婚生小朋友,樣樣都係錢。但我嗰陣每個月得兩三萬,自己又會同身邊人比較,點解我待遇差?太多不明朗因素。但做保險唔同,只要你夠勤力,肯用心就會做得好。咁我諗自己人緣又唔差,同人溝通又冇問題,咪試下囉。」

鄧一君淡出娛樂圈後,投身保險業,發展相當好。(一君士多Facebook圖片)

鄧一君從事保險業多年,發展越來越好,現時是高級分行經理,年薪過百萬,他也視為終身職業。除了正職之外,他也與朋友夾份投資開車仔麵店,在今年年初開業:「當係一種投資同興趣,有三個股東,只係考慮到我做過演員所以先用我個名改做一君士多。」如今鄧一君事業穩定,但他也不排除客串演出:「睇兩個因素:如果係古仔搵我我一定拍;第二係睇角色,反派同殺人犯我一定唔做,因為我唔想有負面形象,我又唔係演員,唔係求發揮。」希望有機會再看到鄧一君的演出!

古仔同鄧一君除了戲內是兄弟情,戲外也份屬老友,年初鄧一君開設車仔麵店,古仔更親自到場幫襯。(一君士多Facebook圖片)
+14