崔碧珈自爆有遺傳性糖尿病 :每年都要Body check

撰文:吳子生
出版:更新:

崔碧珈(Anita)昨日(16/7)出席在深水埗舉行的《Bubble寫真祭2019》活動,並為自己寫真集《崔碧珈的生酮秘笈》宣傳造勢,更即場示範瑜珈動作,展現出柔軟體態美,令現場氣氛炒熱。Anita表示:「呢本書明天面世,心情好興奮,因為我哋籌備咗成九個月時間,出版社同我講喺網上面個反應幾好,咁所以佢哋會留啲底,如果真係賣得好好嘅時候,佢會準備人手再加印。」

崔珈碧現身寫真發布會,為新書《崔碧珈的生酮秘笈》宣傳造勢。(陳順禎攝)

(被問到為何推出生酮飲食療法寫真?)Anita直言:「因為我以前係歐洲讀書嘅時候已經好流行,但我見香港又冇人做過,而且我有遺傳性糖尿病,Daddy經常要篤手指,監察住血糖,佢又唔可以食米飯,而我每年都要Body check,不過經過醫生建議後,我就開始咗「生酮飲食」,起初都唔係諗住減肥,但日子耐咗就發現自己瘦咗好多,咁所以好想將呢樣嘢同大家分享。」