【城寨英雄】賤老豆魏惠文演藝畢業 磨劍20年:不想侮辱母校

撰文:林通賢
出版:更新:
魏惠文在《城寨英雄》劇中飾演賣女衰父親,看得網民好氣憤。(網上圖片)

識睇一定睇綠葉!《城寨英雄》除了林穎彤、李嘉外,另一被網友激鬧,看得咬牙切齒的,就是將鑫鑫(林穎彤飾)賣給夏滿哥(李嘉飾)的衰老豆,無錯,你說不出他的名字,但你一定認得他,除了今次做衰老豆外,亦經常做老闆角色,他的名字叫魏惠文。

早前《Sunday好戲王》魏惠文因為經常做老闆,而被封「老闆王」。(網上圖片)

今年52歲魏惠文大家可能當係茄哩啡,但原來是90年演藝學院畢業生,他說:「我那屆有李婉華、劉玉翠、陳錦鴻等,得我沒有人認識。」90年畢業,做過配音員去過馬來西亞,96年入無綫,眼見同期上了神枱,自己還捱世界,阿文態度積極,他說:「當年我老師毛俊輝講過這行好奇怪,多勞未必多得,有些人一出來就萬千寵愛,好快已是男女主角,有些人一個機會要等20年,或者有些人一世都沒有機會,可能這人是我,其實我這個《城寨英雄》衰老豆角色,我是「執三灘」,如果當日我做幾年見無成績就走,今日都沒有這個機會。一定要好鍾意演戲,你先可以捱到。」

好多人當他茄哩啡,就連《喜劇之王》經典對白「死茄哩啡」都聽過,他說:「記得有一次搭巴士,坐上層,有個妹妹落車,突然講:『阿媽,我見到電視嗰個死茄哩啡。』在電視台都聽到不少人叫自己做茄喱啡啦,但我不理會,在好多人眼中我是茄嘢啡,覺得我小角色唔重要,但如果連茄哩啡都做唔好,你不要叫自己做演員。我亦不想侮辱自己間學校,我從來冇當過自己係茄哩啡,我當自己是演員。」

大台藝員薪酬眾所周知,魏惠文早幾年,更要在石硤尾南山邨茶餐廳當樓面,幫補生計,難得阿文識苦中作樂,他說:「讀書時聽過好多荷里活巨星未紅前,都會在咖啡店做part time,那時覺得好過癮,想不到自己都有機會,哈哈,在樓面時,《怒火街頭》播映,我是做衰老公,當時有食客認得我,更讚我做得好。」

90年演藝畢業,同班仲有李婉華、陳錦鴻等人,大家認到幾多?