【放學後】陳慧珊親自籌備節目3年：唔係好似做演員咁有劇本跟住
撰文：葉詩
出版：更新：
陳慧珊（Flora）周三（31日）出席香港開電視2019下半年節目巡禮，她將在教育節目《放學後》中擔任監製及節目主持：「今次所有構思都係我同我先生一齊諗出嚟，我諗咗十五個任務畀啲嘉賓。個節目難在係冇劇本，冇格式，係靠嘉賓講出佢哋嘅Life Lesson，所以個節目做咗三年，有啲嘉賓傾咗兩年半；15集內容係因應嘉賓嘅性格、故事而唔同Style，希望用Documentary-drama嘅形式去做，唔係好似我之前做演員咁，有個劇本跟住做就可以。」
陳慧珊為了首集節目訪問了家長、老師和學生，訪問時長達20小時，更加入了自己的故事，為節目花了不少心思。（陳順禎攝）
在教育小朋友方面，陳慧珊也有一套屬於自己的心得：「我覺得反而係小朋友教返我，我係因應小朋友嘅行為先知道佢需要乜嘢，所以我希望吸收唔同經驗；當然有時候都係要矯正佢，但我無設定某啲規條一定要咁樣做。」《放學後》更請來曾俊華、胡杏兒、宣萱、王敏德、林日曦當星級嘉賓，分享他們各自的Life Lesson，說到印象最深刻的嘉賓，陳慧珊就要觀眾親自看節目。