【港姐2019】佳麗古佩玲遠征日本成箱Mask旁身:每晚都敷!

撰文:吳子生
出版:更新:

麥明詩與馮盈盈及一眾《2019香港小姐競選》候選佳麗,今日(2/8)一同現身將軍澳出席記者會。期間,麥明詩即場大讚3號候選佳麗古佩玲(Kelly)表現夠淡定兼唱歌好聽,男司儀陸浩明打蛇隨棍上要求Kelly即時清唱,Kelly便唱出悅耳歌聲唱出Beyond首本名曲「喜歡你」,令全場拍掌歡呼。

Kelly透露自己愛美,每晚都會敷Mask,保持肌膚有充足水份。(陳順禎攝)

Kelly表示:「其實聽到麥明詩讚我,嗰一刻真係好驚訝又好開心,而頭先主持要我唱嘅時候都有啲緊張,點解會出呢首歌,係因為我細個嘅時候好鍾意聽,而呢首歌當刻又可以表達到我當時嘅感受,咁所以揀咗呢首歌唱。」問早前去日本拍攝辛唔辛苦?Kelly答謂:「都有少少唔夠瞓,都會喺車上爭取時間休息,加上太陽勁曬,每次外出拍攝,都一定搽防曬乳液,搽晒全身,為咗今次旅程,帶咗成箱Mask去,每晚我都會敷,因為自己啲皮膚比較乾。」

Kelly表示參選港姐讓自己眼界大開。(陳順禎攝)