【包青天再起風雲】不捨梁舜燕離世 胡定欣眼濕濕:佢真係上等人

撰文:林迅景
出版:更新:

「上等人」梁舜燕(Lily姐)日前因病離世,享年90歲。除了香港觀眾不捨,與她多次合作的胡定欣亦感到依依不捨:「前幾日啱啱聽到係好突然,因為我對上一次見佢已經係拍《包青天》,同埋上年佢嘅生日,佢都係好健康好開心。同Lily姐有好多回憶,最深刻就係《城寨英雄》入面佢做嫲嫲。」她又回憶初入行時,就已經與對方合作:「初入行嘅時候,拍嘅《牛郎織女》,我係有份做仙女,而Lily姐就係做一個好高級嘅神仙(王母)。我仲好記得有一張相係我隔籬嘅就係佢。」

胡定欣談起離世的梁舜燕(Lily姐)時,有少少眼濕濕。(陳順禎攝)

問Lily姐給她的最大印象?胡定欣回答:「佢真係『上等人』,佢好客氣好高貴。上年生日嘅時候睇過佢做報道員嘅相,衣着打扮,舉止真係好高貴。」除了Lily姐的外在,原來最令胡定欣佩服的是,她的敬業樂業精神:「拍《包青天》嘅時候,佢凌晨2、3點都開工,唔怕辛苦。有一次我問:『Lily姐,你攰唔攰吖?』佢話:『
唔攰,唔攰。』我問:『點解你去到呢個時候都願意拍戲?』佢話:『我真係太鍾意,所以我好想拍,唔怕辛苦。』」

胡定欣很佩服Lily姐的工作精神。(陳順禎攝)