倪晨曦懶理與內地網民爭吵 冇影響心情:冇諗過呢個問題

撰文:賴家杰
出版:更新:

女神倪晨曦(Elva)最近拍攝理財手機程式廣告,主題是吃喝玩樂,在這方面她表示非常擅長:「其實我經常都做呢啲事,我自己平時就特別鍾意去啲大自然中同埋探險少少嘅地方。今年年頭就去咗玻利維亞,呢個地方大自然景真係好靚。」

女神早前去了玻利維亞親親大自然,雖然大自然有很多昆蟲令她害怕,但為了接觸大自然也一一克服。(劉智源攝)

早前Elva回到加拿大參加朋友的婚禮和陪伴家人,Elva是工作大忙人,所以這次回去陪伴家人是很珍惜,「其實呢幾年都好少同屋企人相處,呢幾年數數手指,十隻手指都數得哂陪佢哋嘅日數。依家屋企人都理解我工作,盡量搵返平衡。」

Elva這次回到加拿大與家人渡過生日非常開心。(劉智源攝)

另外Elva早前因為政治關係與內地網民有一些爭吵,這事情發生並沒有影響她的心情,「其實我覺得做返自己平時工作,都冇影響我原本工作。接下來都要飛來飛去出席一啲時裝Show,(會影響返大陸發展?)冇諗過呢個問題,多謝哂。」