【有片】黃曉明唱《醜八怪》上熱搜 點解劉燁會震撼到無表情？
撰文：鄺鈺瑩
出版：更新：
相信大家都可以由劉燁嘅表情感受到黃曉明嘅歌喉有幾咁好。
黃曉明近年不時都出演內地真人騷節目，一段兩年前佢喺《我們的挑戰》嘅唱歌片段，日前突然被網友翻出，並一下子成為微博熱搜……影片中，黃曉明以唱K模式唱出薛之謙嘅《醜八怪》，雖然期間黃曉明曾向薛之謙表示「提示我怎樣唱」，但佢全程都無甩beat，而且愈唱愈投入，連其他幾位主持都頻頻大叫「好聽」。
佢真係好投入。
喺得到大家嘅鼓勵下，黃曉明愈唱愈投入，仲運用埋拉音同假音，一拉真係不得了！單睇劉燁一臉錯愕嘅表情，就可以感受到現場有幾震撼，愈拉愈開心嘅黃曉明，最後可能發現自己走咗少少音，所以補返句「對不起啊，嗓子感冒了，不太好」。而網民欣賞完黃曉明嘅歌喉之後，除咗笑之外，留言如「為你的勇氣鼓掌」、「薛之謙聽了想打人」、「劉燁的表情像便秘一樣」不停出現。
薛之謙聽到自己首歌被唱成咁，相信別有一番感受。
阮經天最後嘅表情都變埋。