袁嘉敏玩交友App急脫單 Lonely過中秋佳節:自己一個人賞月

撰文:吳子生
出版:更新:

袁嘉敏(Candy)今日(13/9)以火紅色性感吊帶裙造型在太子出席新店開幕活動。訪問時,Candy直言想進軍飲食業:「見到新店三位年青有為嘅老闆咁成功,開完一間又一間,自己都好想試下,睇下可唔可以同佢哋三位老闆做到朋友,然後夾埋一份做飲食生意。」

Candy指自己工作後會一個人在家賞月慶中秋佳節。(陳順禎攝)

提到Candy一心諗住脫單,之前玩交友App交完300元月費後卻被Block,她坦言無奈:「之前喺網上問啲朋友邊個交友App好用,啲朋友推薦我用嗰個App,裝咗之後,早上8點見到有3個人畀Like我,但見唔到佢哋相關資料,但如果畀咗月費,就可以暢通無阻,於是我就畀咗月費,我玩咗一個鐘佢哋就Block咗我,要求我核實身份,要求我舉起三隻手指露樣自拍,我都影咗畀佢,同佢哋周旋咗成十日時間,佢哋懷疑我身份,到最後都畀佢Block咗,最終三百蚊月費都冇退返畀我,好唔開心呀。」

Candy身穿火紅色性感吊帶長裙任剪綵嘉賓,率先炒熱現場氣氛。(陳順禎攝)