戴祖儀拋開歌手包袱 完美演繹綜藝女王搞笑本色 ：一開始都驚
撰文：吳子生
出版：更新：
Joey自從加入《星夢娛樂》做歌手後備受公司力捧，先後推出個人單曲外，更獲公司安排主持綜藝節目《娛樂大家》及《長命不老》等，Joey在節目中扮鬼扮馬搞笑形象令一眾視迷非常受落，有網友大膽見議她轉做節目主持仲好過做歌手咁話，更封她為「綜藝女王」。
Joey獲網民大讚有戲劇細胞，最適合做主持綜藝節目娛樂大家。（陳順禎攝）
戴祖儀（Joey)今日（2/10）現身將軍澳出席明珠台《魅影星期日》活動時表示：「其實自己本身都好喜歡扮鬼扮馬，好鍾意玩，可能大家會睇到我綜藝嘅喜感嘅感覺，當聽到我講嘢嘅時候都會好想笑我，連麥美恩成日都話我嘅人生都係笑話，所以都玩得好開心，當中得到好多人嘅賞識，咁所以繼續嘗試畀我留喺其他綜藝節目發展。」Joey原來起初都擔心作為一位歌手做搞笑節目主持，會影響形象：「其實一開始都驚，怕自己玩得太癲，啲人會覺得我唱歌都唔認真，怕佢哋聽到我唱歌時都會想笑。」
Joey表示首部參演劇集《多功能老婆》，將會在年尾首播。（陳順禎攝）