鄧麗欣慶祝「18歲」生日男友王子冇影 現場慘遭眾粉絲狂催婚  

撰文:賴家杰
出版:更新:

鄧麗欣(Stephy)今天(15日)是她36歲的生日。早前她選擇與一眾粉絲慶祝,生日會中粉絲們送上親手炮製的生日蛋糕更與壽星女大玩「估歌仔」、「歌詞接龍」等集體遊戲。當然這些遊戲是圍繞著Stephy的歌曲,在玩的時候完全難不到這些忠實歌迷,Stephy 的多首金曲倒背如流,令她本人驚訝不已。

Stephy與粉絲一齊慶祝生日。

多年沒有和粉絲一起慶祝生日令她非常享受這次的聚會,她說:「可以同我一班親愛嘅粉絲度過我第二個18歲生日,見住大家一齊成長多一歲係好開心。我年年生日願望都好簡單,真心希望身邊嘅人開心,健康同開心永遠都係無價,呢個願望永遠都會伴隨我左右,好似今日咁見到大家玩得咁開心我已經好滿足。」

Stephy嘅生日願望好簡單,希望大家身體健康。

粉絲另外關注的一點一定是與男朋友怎樣慶祝這個節日,Stephy亦很大方回應:「冇啦,今年佢要做嘢,我唔知佢係咪講大話啦?哈哈,應該唔係嘅,佢真係去咗第到做嘢,冇所謂啦。」

Stephy究竟會點同男朋友慶祝呢?

粉絲並沒有因為她這個回答就滿意,現場更實行逼供環節,強勢要求Stephy回答何時會結婚,這個結婚話題令到她本人在現場哭笑不得,「我懷疑佢哋係臥底嚟,今日好多粉絲都無端端好官腔咁問我幾時結婚?我已經飽歷風霜,呢個問題已經畀人問咗十年,我已習慣咗,所以當聽唔到,哈哈。」