高海寧公開著泳衣秘訣:腰帶好關鍵!

撰文:吳子生
出版:更新:

高海寧(高Ling)今日(15/10)出席在將軍澳電視城舉行的全新烹飪節目《Gi味俱全》記者會。高Ling坦言:「難得可以同GiGi姐(黃淑儀)合作做節目,一定喺佢身上偷下師,因為將來可唔可以管住老公個心同個胃,就要靠GiGi姐啦,其實我最想就係跟佢學煲湯,因為廣東人飲湯嘅文化係唔會改變嘅,其實只再要畀我學到一年四季,每季嘅湯水就已經夠晒。」

 

高Ling修身成功秘訣是多做運動,及自定營養餐單,持之以恆就會達致收身效果。(陳順禎攝)

公認樣靚身材完美的高Ling,而最近在IG貼出一件頭水著Look相,有網友覺得略為遜色,欠缺性感美,認為高Ling大玩低調性感風。高Ling解釋話:「其實近年興著一件頭泳衣,多過三點式泳衣,其實大家喺IG度見到我著個件泳衣,係今年最興嘅牛油果綠顏色,我好鍾意!」提到揀選適合泳衣款式,高Ling就分享少少心得畀大家:「泳衣其實會暴露晒身體嘅線條出嚟,所以一定要揀一啲啱自己嘅身形,例如想隻腳長啲嘅,就揀啲大腿外側位置高叉少少嘅泳衣,亦可揀選一啲配有腰帶嘅,著上身扣埋條腰帶,視覺上會顯得修身啲,條腰就出晒嚟。」

 

高Ling表示好鍾意這件泳衣,是今年最興牛油果綠顏色泳裝。(圖片IG:sammkoling)
高Ling表示今年泳衣潮流興著一件頭裝款式,籲網友見到她著時不要大驚小怪,澄清絕對沒有行低調性感風。(陳順禎攝)