試鏡成功演新劇《地產仔》 Stanley@MIRROR:去樓盤附近同人傾偈

撰文:游大東
出版:更新:
今次為飾演阿鹿這個角色,Stanley先將頭髮染啡,再向前梳成瀏海,有別於以往他在《全民造星》以及劇集《娛樂風雲》中的形象,令人差點認不出來,乍看頗為討好。(陳順禎攝)

由ViuTV、天下一電視製作部、寰亞公司電視製作部聯合開拍、由徐遇安與鄧維弼監製的新劇《地產仔》,周三(6/11)在佐敦渡船角外景拍攝場地舉行開鏡拜神儀式,全劇主要演員包括鄭浩南、朱慧敏、吳肇軒、胡子彤、余香凝、廖子妤、麥子樂、張文傑、陳穎欣、「肥腸」徐浩昌,以及男團MIRROR成員Stanley(邱士縉)皆有出席。

Stanley為配合角色,以全新形象示人,令人差點認不出來,他說今次在劇中將扮演見習地產經紀阿鹿。「我覺得呢個角色係一個被社會蹂躪過嘅年輕人,佢讀書時運動好叻,喺學校係風頭躉,但出到社會後,佢發覺呢個技能係冇作用嘅,加上佢一直好相信公平公正,可惜投身社會後,呢樣嘢係完全幫唔到佢成功,反而見到身邊嘅朋友可能因為不擇手段或者好厚面皮變得成功,佢嘅想法開始改變,咁就慢慢走歪左。」意味他隨時有破格演出。

由ViuTV、天下一電視製作部、寰亞公司電視製作部聯合開拍新劇,由徐遇安與鄧維弼監製的《地產仔》,周三(6/11)在佐敦渡船角外景拍攝場地舉行開鏡拜神儀式,全劇主要演員包括鄭浩南、朱慧敏、吳肇軒、胡子彤、余香凝、廖子妤、麥子樂、張文傑、陳穎欣,以及男團MIRROR成員Stanley(邱士縉)皆有出席。(陳順禎攝)
新劇《地產仔》由鄭浩南帶領一眾年輕演員參演,講述胸無大志的裝修工人吳肇軒,因為仰慕地產經紀陳穎欣,陰差陽錯下加入鄭浩南創辦的地產公司,與自稱科創界才俊的胡子彤、運動員阿鹿以及會計情痴(肥腸)徐浩昌成為了見習「地產仔」,在女扮男裝的分店經理廖子妤帶領下,打算3個月內考獲執業牌照,對抗唯利是圖的業界龍頭。(陳順禎攝)

為演好地產仔角色 專誠到新樓盤附近視察

有別於參演百集長劇《娛樂風雲》,今勻在《地產仔》裏跟自己做對手戲的,絕大部份都是電影演員,加上又是行內新人,Stanley坦言當初知道自己試鏡成功加入劇組之後異常緊張。「開鏡前真係好緊張,不停睇劇本,但開咗工之後,同肇軒、子彤、肥腸夾多咗就輕鬆番啲,同埋我會不停問意見,拍完每場,都會立即問徐老師(監製徐遇安)同埋導演,問佢哋覺得點呀,O唔OK呀,好多Feedback都係正面,咁就開始鬆番喇個人。」

Stanley指今次拍劇相當愉快,尤其感謝吳肇軒等身邊一班隊友,彼此重視交流,埋位前做好溝通,令他茅塞頓開。「每場戲都會夾好耐,所以好多時都唔跟劇本,亦令我有一個醒覺,就係劇本其實好死,有佢哋傍住我就會鬆咗好多。」為了演繹地產經紀更加傳神更加貼地,Stanley索性實地考察,掌握角色心態。「我直情有去行過一啲(新)樓盤附近,次次都會有啲好後生,或者有啲好成熟的女人走埋嚟問:『買唔買樓,買唔買樓?』之後就會同佢地傾幾句,心諗:『吓?你見到我個樣你覺得我真係買到樓咩?』佢哋可能覺得,可能扑中咗一次(搵到買家)咁就得㗎喇喎,亂槍打鳥。」

Stanley今次在《地產仔》跟「肥腸」徐浩昌(右)一同飾演實習地產仔。Stanley現時有多重身份,既會唱歌,又會在《MIRROR GO》做主持,但他指未來的演藝事業都以拍劇為首。「由《造星》開始,入咗MIRROR之後,同公司都係有共識要走演員方向,唔係話要做歌手或者主持,所以花姐同公司都畀咗好多好多演戲機會同埋Casting。」(陳順禎攝)