羅天池慨嘆香港缺少動作演員 認同實拍特技夠港味

撰文:吳子生
出版:更新:

羅天池今日(19/11)以嘉賓身份現身香港仔出席香港開電視全新節目《開工大吉77》,更拍住節目主持人苑仔(苑瓊丹)暢談娛樂圈熱話。天池笑言大爆娛樂圈中秘聞就欠奉:「主要都係講下我點解會由演員轉做動作導演呢個過程,雖然我同苑仔時不時做嘢都會碰面,但今次能夠同苑仔同一個鏡頭前出現,感覺非常之好,大家可以一齊分享下娛樂圈嘅熱話。」

 

苑瓊丹和羅天池今日亮相出席香港開電視全新節目《開工大吉77》錄影。(葉志明攝)

天池由幕前搖身一變成為動作導演,經常為電影製作設計出精彩絕倫武打特技動作場面,他認為動作電影現場實拍,是港產電影的經典:「其實宜家香港動作演員真係唔係好多,明白科技嘅進步,後期係可以做到出嚟,其實我哋始終都要顧及演員嘅安全為優先,明白香港動作演員真係又唔係好多,不過如果戲種係動作片,咁你嘅賣點係動作,咁所以我覺得係有需要嘅。」