【多功能老婆】朱晨麗親爆戲假情真 難忘與楊千嬅陳煒床上戲

撰文:黃欣華
出版:更新:

TVB花旦朱晨麗(朱朱)與楊千嬅、陳煒在新劇《多功能老婆》中演三位感情要好的姊妹,而三位戲假情真,現實中真的變成了好朋友。朱朱最難忘拍攝三位閨密的一場床上戲與一場三姊妹鬧交分手戲,也令她傷心難過。

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

朱朱最近人氣再次急升!(IG/@rebecca_zhu)

朱朱坦言好懷念那場床戲:「床上戲主要係講我哋三姊妹攤喺床上討論吓美容,又講吓八卦嘢,又傾吓心事,呢場戲好好玩,拍得好開心好舒服,我哋笑到要NG,次次都係忍不住笑所以NG。」

姊妹情深!

朱朱更表示《多功能老婆》拍得好開心,拍完後她非常唔捨得,大家都有保持聯絡、約見面、食飯、見面:「我哋三個變咗好朋友,千嬅會喺蘇州開演唱會,她邀請我同家人去欣賞,希望可以再一次親身去欣賞千嬅表演,學習她在舞台上的經驗。」

大家又鍾唔鍾意呢個組合?

除了床戲,朱朱謂還有一場戲令她真的感到傷心難過:「嗰場戲講我地三個要分開,姐妹之間難免有鬧交情況出現,我夾在中間,點樣去取捨,令到我好難忘,真係好痛,個心好痛,因為拍時真係當咗佢地兩個係姐姐,當然戲裡面係閨蜜,當妳好投入時真係感受到嗰種痛,好唔捨得,而且拍呢場戲差不多到煞科,所以更加唔捨得,更加痛心,呢場戲好難忘。」

很傷心!(IG/@rebecca_zhu)

朱朱更稱讚楊千嬅真係好好戲:「無論千嬅喺出面幾多嘢做,又要做巡迴演唱會,又要拍電影,無論幾辛苦都好,她返到劇組都依然係一個好正能量的太陽女神,她的精神好值得我去學習,她的毅力非凡。人會熄機會累,但她都會帶返正能量畀大家,我真係要學吓,好欣賞她呢種精神。」

+1