好姊妹何雁詩年底結婚做人妻 譚嘉儀公開招親:唔介意年紀細過我

撰文:吳子生
出版:更新:

歌手譚嘉儀(Kayee)今日(2/1)現身商台為新歌宣傳造勢。提到好姊妹何雁詩(Stephanie)年底將披嫁衣與鄭俊弘(Fred)拉埋天窗做人妻,Kayee很戥二人開心:「其實我同Fred 同Stephanie私底下好好朋友,佢哋之前都有透露話遲啲可能會結婚,咁而家佢正式宣布咗,見到佢哋可以拉埋天窗,真係好開心好祝福佢哋。」

Kayee並不介意與小鮮肉拍拖,最重要思想夠成熟。(陳順禎攝)

雖然姊妹年底出嫁,現時單身的Kayee並未因為此急找另一半,坦言拍拖重視溝通:「其實我唔介意年紀細過我,最緊要佢思想成熟就得,但如果佢年紀細過我成十年,一個二十歲嘅男仔係冇可能成熟得過一個三⋯⋯⋯冇嘢呀,應該係話一個十八歲嘅女仔囉,哈哈!」

Kayee表示家人沒有催婚。(陳順禎攝)
+4