【武漢肺炎】ViuTV《今日疫情》每晚直播 強尼:早幾日先決定開

撰文:游大東
出版:更新:

新型冠狀病毒(又稱:「武漢肺炎」)肆虐全球,單單在中國內地,截至周六(1/2)累積確診個案已超過1.4萬宗,香港情況同樣嚴峻,至今已有14宗確診個案,其中一宗個案更是境內人傳人。事到如今,林鄭政府會否全面「封關」、在哪裏可以買到或者拿到口罩、醫護罷工情況,以及怎樣才算做足個人防護措施等資訊,都是普羅大眾最關心的,縱觀本地多家電視台,除新聞報道外,就只有每晚在無綫翡翠台播出的《東張西望》,以及在港台電視31播出的《精靈一點》和《醫生與你‧同行抗疫》有較多篇幅報道疫情消息及抗疫知識,但由周一(3/2)開始,ViuTV都會加入「戰線」,逢星期一至星期五晚上7時30分推出新節目《今日疫情》,每集都會直播出街。

參考電視節目表,上述時間原本播出的,是娛樂新聞及訪談節目《十五分鐘熱度Plus》,惟「武漢肺炎」持續在本地社區擴散,ViuTV高層臨時決定製作《今日疫情》,由賀志良(Jimmy)及吳繼業聯合監製,派出10位藝人,分為廠景組及外景組兩隊,輪流上陣,其中一位主持人強尼透露,公司在剛剛過去的一星期(幾日前)決定製作這個節目,未來一個星期,他會負責星期二同星期五晚的直播,下午3時已經要返到ViuTV九龍灣總部,與製作團隊開會,落實訪問細節。

ViuTV將會派出10位藝人,兵分兩路主持《今日疫情》,點擊下圖看看兩邊陣容:

+15

正面對撼《東張西望》 主持強尼:節目暫時會一路做!

「坐廠嘅有我、Brian(陳安立)、Dennis(虞逸峯)、Pinky(羅沛琪)同埋Shirley(沈殷怡),我哋5個會輪住做,外景就有Dixon(黃奕晨)、阿神(曾贊學)、CK(朱晉傑)、阿Look(廖嘉輝),仲有小占(英健朗),每日朝早外景嘅同事就會返去開會,跟住就會出去拍當日嘅Topic,我哋就會喺錄影廠做Live,會請嘉賓上嚟做訪問,可能係醫生,或者係口罩生產商,暫時冇定個節目會幾時完,會一路做。」由於《今日疫情》與無綫的《東張西望》同樣都在晚上7時30分播出,換言之,兩個直播節目同時段對撼的情況將會維持一段時間。

話雖如此,強尼直言台前幕後都希望這個節目「盡早結束」:「你如果有留意魯暉(ViuTV總經理魯庭暉)嘅IG,佢都話唔會想呢個節目做得幾耐,大家都希望呢件事快啲完,個節目就會完,總之而家呢段時間,我哋希望透過呢個節目Update到市民一啲有用資訊,因為每日都會有好多新嘅消息。」魯庭暉日前在其個人IG率先公布ViuTV會推出這個新節目,帖文講得坦白:「一個絕對唔想開Season 2,絕對唔想長做長有嘅節目,難得同事咁有心,(所以就)盡少少大眾媒體責任!」認真中不忘幽默,魯暉在下方的Hashtag寫上「#不過都盡量唔好Budget啦呀監製」。至於另一位主持人沈殷怡亦於日前在個人IG發帖,「今日開會聽到導演話作為免費電視台,這段時間為大家提供及時真實的公共資訊,係我地(哋)既(嘅)義務同責任。有幸成為哩(呢)個節目其中一個主持,讓我可以履行這件事。」下方Hashtag則寫上:「#唯一一個不想長做長有的節目」,與老闆立場一致。

ViuTV新節目《今日疫情》將於周一(3/2)開始逢星期一至五晚上7時30分現場直播,與無綫的《東張西望》正面對撼。(YouTube截圖)
魯庭暉日前在其個人IG率先公布ViuTV會推出新節目《今日疫情》,帖文講得坦白:「一個絕對唔想開Season 2,絕對唔想長做長有嘅節目,難得同事咁有心,(所以就)盡少少大眾媒體責任!」(instagram.com/lofaig)
主持經驗豐富的陳安立(Brian),今次臨危受命擔任特備節目《今日疫情》主持,並於早前在九龍灣總部拍攝宣傳片。(YouTube截圖)
ViuTV上位小花沈殷怡(Shirley)臨危受命,擔任特備節目《今日疫情》主持,並於早前在九龍灣總部拍攝宣傳片。(YouTube截圖)

沈殷怡是2019年ViuTV上位小花,點擊下圖看她的靚靚圖輯:

+20