【法證先鋒IV】譚俊彥係TVB收風王 陳煒：佢連一廠發生咩事都知
撰文：賴家杰
出版：更新：
劇集終於播放，他們笑言期待已久。（陳志嵐攝）
陳煒和譚俊彥早前出席TVB重頭劇集《法證先鋒IV》的首播活動。而二人穿戴口罩出現，說是梅小青下令，「我哋都宣傳咗一段時間，咁唔係為咗防人，係防自己，咁會比較安全。」這劇集TVB投放了不少資源，更有梅小青這個金牌監製，譚俊彥表示有小青姐已經是信心保證：「佢好緊張每一個鏡頭，所有事都親力親為。連宣傳都係佢領軍。所有人話力不到不為財，所以佢咁成功係有佢原因。」
黃浩然、李施嬅、陳煒、譚俊彥四位男女主角非常期待劇集出街。（陳志嵐攝）
談到角色，這次譚俊彥劇中不再是很有威嚴而是會有幽默一面讓大家看到。他認為觀眾對他不算認識，其實本身自己是一個有趣又多嘴的人。陳煒非常認同：「佢真係幾多嘢講，喺公司佢屬於活躍份子。開工佢熟讀完劇本就會周圍八卦。好似我哋十幾廠拍劇，但佢連一廠發生緊咩事佢都知。所以因為佢我哋會知道公司發生乜事。」