【法證先鋒IV】湯洛雯回應網民激讚劇中演出：大家對我口下留情！
撰文：吳子生
出版：更新：
湯透露拍攝《法》時，心理承受巨大壓力。（陳順禎攝）
湯洛雯（靚湯）今日（24/2）現身將軍澳電視城出席無綫綜藝節目《娛樂大家十點半》錄影。提到在劇集《法證先鋒IV》中，飾演記者妹一角，被網民激讚有靚樣又有演技。靚湯坦言當時付出百分努力：「因為始終自己能力有限，可能要用咁短時間去做，自己都好擔心做唔到，不過宜家出到嚟個效果自己都好滿意，當然演技方面都有進步空間。」靚湯自嘲初出場時似暴龍：「因為嗰陣時仲未收身得咁成功，因為始終時間比較急，自己又唔想一下子減得咁急，因為咁樣係唔健康，咁所以呢套劇有啲場口會肥啲，下一場又會瘦番啲，咁所以去到臨尾觀眾會見到我瘦番啲，到時啲場口剪返埋一齊嘅時候，啲身材會跳，觀眾會覺得點解會變得咁快。」
陳煒同湯洛雯在《法證先鋒IV》表現出色，二人對收視高開表示滿意。(陳順禎攝)