【超能使者】劉穎鏇演「辣妹」 吊帶背心熱褲上陣:唔敢食嘢

撰文:吳子生
出版:更新:

劉穎鏇(Tiffany)今日(18/5)現身電視城出席無綫新劇《超能使者》拜神儀式。Tiffany透露在劇中飾演一名「辣妹」,將會以吊帶背心熱褲造型隆重登場,不過她就大呻辛苦:「因為我經常要咁嘅造型演出,搞到我唔敢食嘢,見到其他人放飯嘅時候,見到佢哋食嘅嘢,搞到我洗晒口水好辛苦,不過都好,呢個角色可以幫到我減肥成功,因為開工嘅時候我都會自備食物,會帶烚菜同雞胸肉代餐,其實我都冇計過自己瘦咗幾多磅,因為我從來都唔上磅睇數字,不過好彩瘦得嚟,唔應該瘦嘅地方,都冇個問題。」

 

劉穎鏇在新劇中飾演一名「辣妹」,經常以吊帶背心熱褲上陣,大騷性感本錢。(梁碧玲攝)