劉雅麗聞好友錢國偉病重暴瘦 大感驚訝：佢咩事呀？
撰文：吳子生
出版：更新：
劉雅麗（Alice）今晚（15/5）現身新城電台出席節目訪問。Alice透露原定在六月三十日和母親一起舉行的《我和媽媽有個約會》演唱會，因為疫情影響下被迫取消，大感可惜：「其實呢個演唱會喺舊年八月嘅時候開始籌備，仲要係執「死雞」攞到場，因為政府場地真係好難攞，到攞到個場嘅時候真係好開心，但因為疫情關係，政府相關措施又未解封，所以喺四月份時決定取消呢個演唱會。」
劉雅麗和媽咪原定在六月三十日舉行的《我和媽媽有個約會》演唱會，因疫情關係被迫取消，大感可惜。（葉志明攝）
提起好友前無綫監製錢國偉日前傳出身患重病，有傳他胰臟出現問題，導致身形暴瘦30磅面容憔悴，皮膚帶黑，連走路也需要人攙扶。Alice從記者口中得知相關消息大表驚訝：「係咩，我唔知道呀！佢咩事呀？我喺舊年3月嘅時候，先喺肥媽嘅演出先見過佢，近呢幾個月都冇見過佢，我好記得以前我開頭嘅MV，都仲係佢幫我拍添，咁真係要問侯下佢喎！我睇唔到相關消息，你唔講俾我知，我真係唔知，希望佢保重身體。」
好友蘇玉華傳婚訊，劉雅麗表示對方為人愛低調，相信不會擺酒行禮。（葉志明攝）