唐詩詠盼無綫有高質製作 力讚《夫妻的世界》超好睇 ：改編得好
撰文：吳子生
出版：更新：
唐詩詠（Natalie）今日（18/5）現身電視城出席無綫新劇《超能使者》拜神儀式。提到經常在IG出Post分享睇過的劇集，連最近Viu熱播的《夫妻的世界》都有收看，被問到會否期待演黑暗面角色？Natalie直言：「其實我睇英版嘅時候，已經好鍾意，好想做裡面嗰個嘅角色，其實當中嘅角色都真係幾難做，但又係好有挑戰性。」
唐詩詠認為《夫妻的世界》裡面的角色相當難演，是極具富有挑戰性。（梁碧玲攝）
(會否想TVb同樣有高質的製作？）Natalie直言：「都想，有時都喺都諗，我哋會唔會試下買一個改編返嚟拍下呢！因為其實都有好多好有質數嘅劇，都可以攞嚟改編拍。」（無綫在製作方面有如何改進空間？）Natalie笑言：「我要改進下自己嘅演技先，其實我宜家拍緊嘅劇，製作題材已經好唔同，其實我希望除咗創作以外，會唔會試下改編呢？好似《夫妻的世界》，佢哋改編咗之後，成個製作都好韓國色彩，完全冇英劇嘅味道元素，好有自己本土嘅味道，改編得好好，咁所以我好希望我哋都可以試下。」
唐詩詠希望無綫可以購入外語劇集版權，嘗試改編拍攝。（梁碧玲攝）