老婆謝安琪IG貼福利照 張繼聰要嚴格審核：Cut淨個頭
撰文：吳子生
出版：更新：
由張繼聰、白只及朱栢康組成的新男團組合「輕勾 Hang Out」，今日（19/5）現身電台節目接受訪問。張繼聰指出組成男團組合原因是：「希望在疫情期間，觀眾可以透過直播睇住我哋三個唱歌表演，有啲歌曲只有3秒咁多，疫情過後，我哋呢個組合就會解散，咁即係話我哋呢個係限定組合，如果觀眾睇得開心，都可以課金俾我哋，多少都冇所謂，最緊要大家睇得開心。」
老婆謝安琪透過IG貼福利照，為老公張繼聰新組成組合「輕勾 Hang Out」宣傳造勢，張繼聰笑指得個頭不算什麼福利照。（梁碧玲攝）
對於老婆謝安琪日前在IG，透過貼福利照為「輕勾 Hang Out」落力宣傳，作為老公張繼就曲線大讚老婆：「我冇叫佢咁做，因為可能我哋真係可以吸引到一啲有氣質，又有水準靚嘅女觀眾，可能連佢都控制唔到，不過啲相又唔係好福利啫，因為得個頭，雖然全部啲相由我操刀影嘅，但每次影完，我都會幫佢Cut淨返個頭，原先張相有7尺長嘅，我Cut淨2吋先俾佢Post，佢貼相之前喺需要經過我審核嘅!」
白只（中）及朱栢康（左一）希望觀眾能透過組合「輕勾 Hang Out」唱歌表演得到歡樂。（梁碧玲攝）