【鏗鏘集】舞台劇演員上山執骨維生 兩公婆積蓄餘一萬元要養家

撰文:鄺鈺瑩
出版:更新:
葉嘉茵同老公都係舞台劇演員,受疫情影響無工開,試過積蓄得返一萬元唔夠,由於育有一子,所以要積極搵嘢做。(影片截圖)

香港新冠肺炎疫情持續,最新一集嘅港台節目《鏗鏘集》訪問咗幾位藝文界人士,停工近3個月嘅舞台劇演員葉嘉茵為咗生活同養小朋友,轉做噴消毒塗層嘅臨時工人;舞台劇導演馮嘉輝亦同樣加入臨時工人行列,他坦言收入大跌六成,現時每月大概得3千元收入,完全無法維持生活,加上做廚師嘅爸爸不獲續約、做保安嘅媽媽放緊無薪假,屋企經濟出現壓力。

喺巴士噴消毒塗層,每日收入有八百元。(影片截圖)

葉嘉茵表示兩個月前開始噴消毒塗層嘅臨時工人,工作時間長,但每次有八百元收入,平均一星期有三日工作,總算妤媛屋企嘅經濟壓力:「有啲OFFICE會要求噴埋廁所,但有啲人去完廁所唔記得沖廁,返得呢份工都預咗,但噴嗰時都有情緒宣洩,因為真係臭,我會講粗口。我識一個最誇張係上山執骨,起碼大家現時都有份工喺手,喺啲奇怪嘅位置搵返藝術嘅感覺。」葉嘉茵說噴消毒塗層也要技術,會當自己整舞台道具。

舞台劇導演馮嘉輝收入大跌六成,同朋友租地種田嘅佢,因為無錢所以只能夠出力。(影片截圖)

做咗舞台劇演員嘅譚芷翎亦因為無工開,試過派傳單、做茶餐廳,最後喺朋友介紹下喺蛋糕店做烘焙助理,同時亦為服裝店做模特兒。她表示有申請政府嘅資助計劃(七千五元),但至今仍未有回音,亦有同行因唔合資格而被拒。

舞台劇導演馮嘉輝喺屋企接受訪問時,媽媽喺旁邊直指佢做話劇冷門搵唔到食,又認為現實與理想係兩回事……

+33