萬眾同心公益金|余德丞猜輸要飲汗 黃庭鋒羨慕:想飲家燕姐精華

撰文:吳子生
出版:更新:

無綫(TVB)大騷《萬眾同心公益金》今晚分別在翡翠台和網上平台播出,原來兩個版本大有分別。在網上版裏面便有薛家燕跳十字步加跑步爆汗的環節,一班主持夠膽死竟然用杯裝住家燕姐從毛巾搾出來的香汗,仲話猜輸「包剪揼」要飲晒,而猜輸的余德丞便急中生智向後倒走家燕姐的香汗,非常搞笑!

萬眾同心公益金|電視機冇得睇 小花低胸唔及家燕姐爆汗精彩

點擊下圖重溫畫面:

+27

余德丞接受《香港01》訪問時便指自己「情急之下唔小心倒咗啲汗」,更笑謂:「都真係俾佢哋殺咗一個措手不及,心諗呢個係整蠱節目定籌款節目,原來係整蠱節目暨籌款節目,爭啲俾佢整蠱到!」記者笑問會否擔心唔飲汗會冇得撈?他笑說:「有人話你自己睇下聽日返嚟會點啦,我驚驚哋!(有冇聞到?)仲聞?」他又笑稱如果真飲應該同場沒有人會阻止,又稱最重要是家燕姐出心出力籌到善款。

而黃庭鋒便指余德丞嘥料,更透露這個是自己和森美的主意:「如果係我輸,我會一啖飲咗家燕姐身上嘅精華,為咗尊重家燕媽媽!」他又笑說:「點解猜輸嗰個唔係我,我想飲呀!」

佢兩個一講起家燕姐啲汗就好雀躍:

+17