胡鴻鈞否認母親節帶蔡思貝返家 網民質疑講大話：冇任何欺騙成份
撰文：吳子生
出版：更新：
胡鴻鈞與蔡思貝（Hubert）去年被踢爆秘戀之後，二人卻經常向外堅稱雙方是好朋友關係，亦甚少私下見面聯絡。而他們早前出席活動時，被問到母親節點過時，二人均異口同聲表示各自同家人慶祝冇見面。事後被媒體影到當日一齊去街，Hubert仲帶埋蔡思貝返家一齊慶祝母親節。報道出街後，有網友評擊二人大話精前言不對後語。
胡鴻鈞認為自己不會閃婚。（葉志明攝）
今晚（6/6）二人出席《萬眾同心公益金》籌款節目時，就被指大話精一事回應。Hubert表示：「我冇講大話，我哋得而且確少見，但唔係冇見，我哋又冇專登同大家交代當日做啲乜嘢事情，而個次有記者朋友影到之後，我哋亦都好大方承認我哋係去過街嘅，咁所以冇任何欺騙和隱瞞嘅成份，其實我同佢始終都係朋友關係，出街食飯都好正常。」
胡鴻鈞與蔡思貝雖然同場，但二人零交流，果然相當避忌。（葉志明攝）