蔡思貝否認與胡鴻鈞過母親節：當日只係一齊去買耳機！
撰文：吳子生
出版：更新：
蔡思貝與胡鴻鈞（Hubert）去年被踢爆同「車」秘撻之後，面對傳媒追訪，二人依然堅稱雙方是好朋友關係，彼此私下甚少見面聯絡。而早前二人又被媒體影到一齊去街，Hubert仲帶埋蔡思貝返家一齊慶祝母親節。報道出街後，有網友批評二人講大話前言不對後語，大感失望。
蔡思貝澄清母親節當天，胡鴻鈞只是陪她去買耳機，並沒有一起慶祝母親節。（葉志明攝）
昨晚（6/6）蔡思貝現身電視城出席《萬眾同心公益金》籌款節目時，接受《香港01》訪問時表示：「其實嗰日我哋只不過去商場買耳筒啫，因為我之前喺《流行經典五十年》演出嘅時候，我係冇自己嘅耳機，心諗日後如果有自己嘅耳機，到時學唱歌又或者有機會演出嘅時候用到，我相信自心會強啲，就係咁嘅原因，我就問佢可唔可以帶我去睇啲耳機，所以當日我哋得而且確係冇過母親節，所以唔係講大話。」（胡鴻鈞余德丞二選一做男友，點揀？）思貝笑言：「揀唔到呀！因為我哋係好朋友！」
蔡思貝與胡鴻鈞雖然同場，但二人零交流，果然相當避忌。（葉志明攝）
胡鴻鈞否認母親節帶蔡思貝返家。（葉志明攝）