【港姐2020】四大高層齊見參賽者 余詠珊大讚高質揀Top 10好難

撰文:張嘉敏
出版:更新:

今日無綫年度盛事《香港小姐2020》舉行首輪面試,共有79位參賽佳麗到電視城見評審。電視廣播有限公司副總經理(節目及製作)杜之克先生、助理總經理(非戲劇製作)暨《2020香港小姐競選》統籌經理余詠珊、助理總經理(藝員管理及發展)樂易玲、以及非戲劇經理陳旭亮先生負責接見一班參賽佳麗,並接受傳媒訪問。

余詠珊表示:「今日係第一輪面試,今屆雖然有網上面試,但實體版嘅面試係點都要嘅,我哋要同佢哋傾一次,同埋攞文件睇,證明佢哋嘅身份,又要睇下佢哋有無其他合約喺身。」

無綫高層陳旭亮、余詠珊、杜之克及樂易玲、一起接受傳媒訪問。(陳順禎攝)

至於今屆篩選的流程,她續說:「除咗今日嚟面試嘅女仔。我哋一陣仲會見一啲海外佳麗,之後會揀選一班出嚟,今晚網上再睇畀全世界嘅網民揀下。(今日得咁少佳麗,係咪有啲女仔無嚟?)年年都無有人無嚟,但唔算多,今年有啲質素好好嘅,即使未經包裝都覺得好高質素,你要我哋揀10個top嘅都幾難揀。」陳旭亮透露暫時報名人數超過250人,已包括海外佳麗。他們又謂今日有泳裝環節,在泳衣環節之下佳麗可以有很不同的感覺。

即睇今屆的參賽者:

+182

余詠珊說:「我哋喺網絡會見啲海外佳麗,確實覺得好好先會請佢哋返嚟隔離14日先,亦唔知佢哋敢唔敢返嚟,對佢哋嚟講都係一個考驗,佢哋可以透過網上training同學習。海外佳麗嘅名額唔會太多。今晚網上揀完之後會有第二輪面試,呢個禮拜之內我哋會再傾個人數,預35人左右,仲要拎佢哋嘅體重等資料。」至於今年的賽制,她就表示:「所有嘢都未公布得住,要等定咗人數先,今屆有好多新元素,包括網上元素。」

余詠珊指今屆好難揀。(陳順禎攝)

【港姐2020】十位最「特別」參賽者成功搶鏡 連女版達哥都出動埋

【港姐2020】鄺靜汶着英國女神裙面試 參賽佳麗揀淘寶貨超慳家